ريانة العود
سبلة عُمان -


اقتباس:



يا هي ابرقت ليل يا طيفك يعزيني .. هيج عيون القصيد المغرم الداله
وارعد شجون الخلي واللي يواسيني ... ما بات مثلي شجي وانته شفا حاله
يجري ع مهله غرامك في شراييني .. متبخترن داخلي في حضرة رجاله
طوفان ود من هوى نشوة سنيني .. في مركب الشوق سافر بك وله باله
شراع عمري غرق في لوح دقليني .. ربان روحي سباه الفكر واحباله
كن الشجر لك تواضع بالثمر حيني ... والراس شامخ على صدك وأهواله
ريانة العود بعد الجرح داويني.. من مبسم التوت والعناب والهاله
يتيم نبضك وبو الراحه يقهويني .. هزني بفنجان حبك رجفة اوصاله
شفت الثريا بكت والأرض ترويني .. بس نار قلبي تشب من شيب أقواله
ناديت يا ليل جمر البعد يكويني ... قال الصبر كل عجولن مالي وماله
ودع خمس بعدها عشرن وعشريني..بالخمس صافح كبير الذوق واجياله
هذا أنا اليوم تصفق كفك يديني .. لو هو حلم خير لي م الهجر واشكاله




إقرأ المزيد